50 Teorías filofóficas intelectualmente estimulantes.

A obra titúlase 50 teorías filosóficas intelectualmente estimulantes, da autoría de Barry Loewer, da casa Editorial Art Blume; un libro, que a pesar do seu contido filosófico, proporciona un percorrido áxil e sinxelo en 160 páxinas.
O libro, está estruturado de forma sinxela, inclúe un prólogo, introdución. Dilucida como converterse en filósofo, aborda o relativo á linguaxe e a lóxica, así como o referente á ciencia e epistemoloxía; mente e metafísica, filosofía política, relixión; alude grandes momentos e a filosofía continental.
Esta é unha obra que propón un enfoque revolucionario para entender as escolas filosóficas máis importantes. Detállanse as ideas filosóficas máis complexas, utilizando non máis de dúas páxinas, 300 palabras e unha imaxe metafórica, todo nun só volume, proporciona a oportunidade de furgar nas mentes de destacados e importantes filósofos e con iso comprender conceptos complexos tales como o imperativo categórico de Kant Penso, logo existo, o existencialismo, o materialismo dialéctico? O método socrático? Seguramente escoitaron falar deles, sen saber o que significan. Se desexan coñecer o suficiente para poder participar nun debate informal ou sorprender con coñecementos filosóficos, sen dúbida, este libro é para vostedes.
Conciente ou inconcientemente, todos posuímos crenzas filosóficas. Á fin e ao cabo, as crenzas e as vidas daqueles que reflexionan sobre elas non están moi afastadas daqueles que non o fan.
A filosofía é divertida e nas páxinas desta obra atoparán as ideas máis cativadoras, enxeñosas e ata inquietantes, obxectivo primordial desta área do saber.