Teoría atómica de Demócrito:

Segundo a teoría atómica da materia de Demócrito, todas as cousas están compostas de partículas diminutas, invisibles e indestructibles de materia pura (en grego atoma, 'indivisible'), que se moven pola eternidade nun infinito espazo baleiro (en grego kenon, 'o baleiro'). Aínda que os átomos estean feitos da mesma materia, difiren en forma, medida, peso, secuencia e posición. As diferenzas cualitativas no que os sentidos perciben e a orixe, a deterioración e a desaparición das cousas son o resultado non das características inherentes aos átomos, senón das disposicións cuantitativas dos mesmos. Demócrito consideraba a creación de mundos como a consecuencia natural do incesante movemento giratorio dos átomos no espazo. Os átomos chocan e viran, formando grandes agregacións de materia.